Online Application

İdmançı bu platformadan istifadə edərək idman növünü dəyişməsi, idmanı tərk etməsi, hərbi xidməti, idmana qayıtması, milli yığmadan çıxarılması, antidopinq qayda pozuntusu barədə izahat verməsi, dinləmə tələb etməsi və apelyasiya şikayəti ilə bağlı AMADA-ya müraciət edə bilər. Yuxarıda sadalanan məsələlərlə bağlı bütün müraciətlər bu platforma vasitəsilə edilməlidir. Şifahi formada, kağız daşıyıcı və mail vasitəsilə müraciətlər edildikdə belə həmin müraciətin bu platforma ilə təkrarlanması və təsdiq edilməsi vacibdir. Müraciət formaları doldurularkən * işarəsi olan xanalarda tələb olunan məlumat hökmən qeyd edilməli və bütün məlumatlar düzgün olmalıdır. Müvafiq formanı doldurduqdan sonra müraciət edən şəxsin qeyd etdiyi mail ünvanına 6 rəqəmli təsdiq kodu göndəriləcək. Həmin kodu müvafiq xanaya daxil etdikdən sonra müraciəti göndərmək lazımdır. Formada qeyd olunan mail ünvanına AMADA tərəfindən təsdiq e-maili göndərildikdən sonra müraciət rəsmi şəkildə qəbul edilmiş olacaq.

Onlayn Müraciət Platforması